Willkomme uff dr Websyte
vo de Luuser Waggis 74

Fasnachtsdangg

Fasnachtsdangg liebi Luuser- Frynde
mir derfe eych e Gränzli winde,
scho bi dr Vernissage vo unserem Kaare,
kemme dir in grosse Schaare.

Derzue drey Dääg, daas isch ganz digg
e droggeni Fasnacht- joo zem Glygg,
E Fasnacht- fascht ooni Kummer,
bi null Graad, zwoor nit Summer.

D Stimmig guet und kaini Lämbbe
dr Oli duet sicher duur dr Cortège längge,
s ganze Süjee, daas isch diggi Boscht
im Bebbi Käller hämmer gueti Koscht.

Mit de Verschnuuffer kaini Zigge
die sin aifach e grandiosi Glygge,
im zwanzignynzää, wie kennts au syy!
Steeen mir denn wiider zämme yy.

Ob Bassiv, Verschnuuffer, iir dient uns draage.
miir zien dr Huet- dien Danggscheen saage.

 

Kommentare sind geschlossen